Дэлхийд алдартай поп дуучин Чарли XCX (Charli XCX) нь зөвхөн хөгжмийн ертөнцөд төдийгүй кино урлагт ч өөрийн байр суурийг эзэлж эхэллээ. Тэрээр удахгүй нээлтээ хийх 'I Want Your Sex' кинонд Оливиа Уайлд, Купер Хоффман нарын хамтаар тоглосон юм.
Тус киноны найруулагч Грегг Араки дуучныг кино урлагт хандах хандлага нь маш өндөр түвшнийх болохыг онцолсон байна. Тэрээр The Guardian сонинд өгсөн ярилцлагадаа: "Чарли XCX бол жинхэнэ нарийн мэдрэмжтэй кино сонирхогч (sophisticated cinephile) юм. Залуу үеийнхэн ердийн зугаа цэнгэлийн киноноос илүүтэйгээр зохиогчийн кинонуудыг эрэлхийлж байгаад би ихээхэн итгэл найдвар төрж байна" хэмээн ярьжээ.
Чарли XCX нь өөрийн кино сонирхдог дадал зуршлаа TikTok сүлжээгээр дамжуулан хуваалцдаг бөгөөд Letterboxd платформ дээр ч идэвхтэй байдаг нэгэн юм. Тэрээр 2024 онд гаргасан "Brat" цомог болон саяхан гарсан "Music, Fashion, Film" цомгийнхоо дараа кино урлагийн салбарт идэвхтэй ажиллаж байна. Тухайлбал, өнгөрсөн онд "Erupcja", "100 Nights Of Hero" зэрэг бүтээлүүдэд тоглосон бол энэ жил "The Gallerist", "Faces Of Death", мөн өөрийн "The Moment" хэмээх баримтат киноны маягийн бүтээлд оролцжээ.
"I Want Your Sex" кино нь нэр хүндтэй уран бүтээлчийн доор ажиллахаар ирсэн залуу эр түүний бэлгийн өдөөгч (sexual muse) болон хувирч буй тухай өгүүлдэг. Уг кино нь энэ оны эхээр Sundance кино наадамд анх удаа тавигдсан билээ.
