АНУ-ын алдарт дуучин, дуу зохиогч Чарли Пут загварын ертөнцөд шинэ алхам хийж байна. Тэрээр хувцас загварын "Lucky Brand" брэндийн шинэ сурталчилгааны кампанит ажлын нүүр царай буюу элч төлөөлөгчөөр ажиллахаар болжээ.
Rolling Stone сэтгүүлд мэдээлснээр, саяхан аав болсон дуучин маань өөрийн хувцаслалт болон гэр бүлийн амьдралынхаа талаар нээлттэй ярьсан байна. Тэрээр өөрийн стилийн талаар "Би юу надад илүү зохиж, юу нь надад тааламжтай санагддагийг одоо мэддэг болсон" хэмээн онцолжээ.
Чарли Пут нь дэлхийн поп хөгжмийн салбарт томоохон байр суурь эзэлдэг уран бүтээлч бөгөөд энэ удаагийн хамтын ажиллагаа нь түүнийг загварын салбарт илүү идэвхтэй харагдуулж байна. "Lucky Brand" нь жинсэн хувцас болон өдөр тутмын хэв маягаараа алдартай брэнд юм. Дуучин маань өөрийн хувийн онцлогт нийцсэн загварыг сонгохдоо илүү анхаарал хандуулж байгаагаа энэхүү хамтын ажиллагаагаараа дамжуулан харуулж байна.
