Америкийн “Fast Company” сэтгүүлд ээжүүдийн хоорондын харилцааны талаар сонирхолтой нийтлэл нийтлэгджээ. Тодруулбал, хүүхдийн тоглоомын талбай дээр таарсан ээжүүдтэй өрнүүлдэг яриа хэдийгээр таатай байдаг ч, ихэнхдээ хүүхдийн унтлагын цаг, цэцэрлэгийн бүртгэл, хүүхэд ногоон зүйл иддэг эсэх зэрэг сэдвээр хязгаарлагддаг байна.
Гэтэл ээжүүд үнэндээ төрөлт болон төрсний дараах үеийн талаар өөрийг нь гайхшруулсан зүйл, хань ижил нь юуг ойлгоосой гэж хүсдэг тухайгаа хуваалцахыг хүсдэг аж. Өөрөөр хэлбэл, ээжүүд зөвхөн хүүхдийнхээ талаар ярилцах бус, өөрсдийнхөө тухай, мэдэрч буй зүйлсийнхээ талаар илүү гүнзгий ярилцах хэрэгцээтэй байдаг гэнэ.
Монгол ээжүүд бид ч гэсэн үүнтэй санал нийлэх байх. Хүүхдээ хараад гэртээ удаан байх үед ганцаардмал мэдрэмж төрж, өөртэйгөө ижил төстэй туршлагатай хүмүүстэй санал бодлоо хуваалцах нь чухал байдаг. Тиймээс тоглоомын талбай дээр эсвэл хүүхдийн арга хэмжээний үеэр таарсан ээжүүдтэй зөвхөн хүүхдийн хоолны дэглэм, унтлагын цагийн талаар ярилцахаас гадна, өөрсдийнхөө тухай, сэтгэл зүй, эрүүл мэндийн талаар чөлөөтэй ярилцаж, бие биедээ дэмжлэг үзүүлэх нь чухал юм.
