АНУ-ын Засгийн газар гадаадад үйлдвэрлэсэн хүний төрхтэй роботуудыг (humanoid robots) зах зээлдээ нэвтрүүлэхийг хориглосон шийдвэр гаргалаа. Одоогоор энэхүү салбарт Хятадын технологийн компаниуд давамгайлсан байр суурьтай байна.
Вашингтон энэхүү шийдвэрээ үндэсний аюулгүй байдалтай холбоотой эрсдэлээс урьдчилан сэргийлэх зорилготой хэмээн тайлбарлаж байна. Гэсэн хэдий ч ажиглагчдын үзэж байгаагаар, энэ нь АНУ-ын робот үйлдвэрлэгчдэд өрсөлдөгчдөө гүйцэхэд шаардлагатай цаг хожих зорилготой алхам байж болзошгүй гэж таамаглаж байна.
Энэхүү хориг нь технологийн салбар дахь АНУ болон Хятадын хоорондох худалдааны шинэ тулааны талбар болж байна. Хүний төрхтэй роботууд нь ирээдүйн технологийн чухал чиглэлүүдийн нэгд тооцогддог тул хоёр улсын хоорондох энэхүү маргаан нь салбарын цаашдын хөгжилд томоохон нөлөө үзүүлэхээр байна.
