АНУ-д энэ долоо хоногт цаг агаарын эрс тэс үзэгдлүүд нэгэн зэрэг тохиолдож, иргэдийн өдөр тутмын амьдрал болон эрүүл мэндэд эрсдэл учруулж байна.
Канадын ойн түймрийн улмаас үүссэн утаа АНУ-ын баруун дунд болон зүүн хойд бүс нутгийн тэнгэрийг бүрхэж, агаарын чанар муудсан бол зүүн эрэг дагуу хэт халалт ажиглагдаж байна. Үүний зэрэгцээ Техас мужид хүчтэй үер болж, нөхцөл байдлыг улам хүндрүүлж байна.
Мэргэжилтнүүд цаг агаарын ийм олон гамшиг нэгэн зэрэг эсвэл дараалан тохиолдохыг "compound events" буюу нийлмэл үзэгдэл хэмээн нэрлэдэг. Уур амьсгалын өөрчлөлтийн улмаас ийм төрлийн нийлмэл үзэгдлүүд гарах магадлал нэмэгдэж байгааг судлаачид анхааруулж байна.
Энэхүү хүндрэлтэй нөхцөл байдал нь Дональд Трампын засаг захиргааны үед хийгдсэн тусламжийн санхүүжилтийн таналт-тай холбогдон яригдаж байгаа юм. Мэргэжилтнүүдийн үзэж буйгаар, ийм олон гамшигтай нэгэн зэрэг тэмцэх нь улам бүр бэрхшээлтэй даалгавар болж байна.
