Хиймэл оюун ухааны (AI) хурдацтай хөгжил дэлхий дахинд анхаарал татаж байгаа энэ үед АНУ-ын хууль тогтоогчид шинэ санаачилга гаргажээ. "AI Kill Switch Act" буюу хиймэл оюуныг албадан зогсоох тухай хуулийн төсөл нь технологийн аюулгүй байдлыг хангах зорилготой юм.
Энэхүү хуулийн төсөл батлагдвал АНУ-ын Дотоодын аюулгүй байдлын яаманд хил хязгаарыг давсан дэвшилтэт хиймэл оюуны системүүдийг шаардлагатай гэж үзсэн тохиолдолд хязгаарлах эсвэл бүрмөсөн зогсоох эрх мэдэл олгогдох юм. Энэ нь хиймэл оюуны хөгжил хяналтаас гарах эрсдэлээс сэргийлэх нэгэн арга хэмжээ болж байна.
Хэрэв компаниуд эсвэл байгууллагууд дээрх тушаалыг биелүүлэхээс татгалзвал өдөрт 20 сая хүртэлх ам.долларын торгууль ногдуулахаар тусгажээ. Энэхүү хатуу арга хэмжээ нь хиймэл оюуны технологийн салбарт хариуцлагатай байдлыг нэмэгдүүлэх зорилготой байна.
