АНУ-ын засаг захиргаа ирэх долдугаар сарын 4-ний өдөр буюу тус улсын тусгаар тогтнолын 250 жилийн ойг угтан нэгэн шинэ хөтөлбөр хэрэгжүүлэхээр төлөвлөж байна. Энэхүү санаачилгыг "Трамп данс" (Trump Accounts) хэмээн нэрлэжээ.
Хөтөлбөрийн хүрээнд АНУ-ын Ерөнхийлөгч Дональд Трампын хоёр дахь бүрэн эрхийн хугацаанд төрсөн 1.5 сая орчим хүүхдэд санхүүгийн ирээдүйг нь дэмжих зорилгоор 1,000 долларын дэмжлэг олгохоор болсон байна. Энэхүү мөнгөн дүнг хүүхдийн ирээдүйн санхүүгийн бие даасан байдлыг бэхжүүлэхэд чиглэсэн хадгаламжийн дансанд байршуулах юм.
Шинэ хөтөлбөрийн дагуу хүүхдийн эцэг эх болон асран хамгаалагчид тусгайлан нээсэн "Трамп данс"-аар дамжуулан засгийн газраас олгож буй дээрх хэмжээний санхүүжилтийг хүлээн авах боломжтой болно. Энэхүү хөтөлбөр нь тус улсын түүхэн ойн баярыг тохиолдуулан хэрэгжүүлж буй хамгийн томоохон ажлуудын нэгд тооцогдож байна.
