Сүүлийн саруудад санах ойн (memory crisis) хомсдол, хямралаас үүдэн зах зээл дээрх зөөврийн компьютеруудын үнэ 100-аас 950 ам.доллароор өсөөд байсан билээ. Тэгвэл Amazon болон бусад томоохон сүлжээ дэлгүүрүүдийн аравдугаар сарын хямдралын үеэр эдгээр үнийн өсөлтийг хаахуйц томоохон хямдралууд зарлагдаж эхэлжээ.
Энэ долоо хоногт Amazon-ы 48 цагийн "Prime Big Deal Days" арга хэмжээнээс гадна Best Buy, Walmart зэрэг худалдааны сүлжээнүүд өөрсдийн хямдралыг зэрэг зарлаж байна.
MacBook болон Windows компьютеруудын хямдрал
Apple-ийн төхөөрөмжүүдээс 13 инчийн M5 MacBook Air (16GB RAM, 1TB SSD) загвар 150 ам.доллароор хямдарч, Amazon дээр 1,449 ам.доллар болсон байна. Мөн энэхүү загварын үндсэн хувилбар 200 ам.долларын хямдралтайгаар 1,099 ам.долларт хүрсэн нь зургаадугаар сараас хойших хамгийн боломжийн үнэ болж байгаа юм. Түүнчлэн 14 инчийн M5 Max MacBook Pro (36GB RAM, 2TB SSD) загвар 600 ам.доллароор хямдарч, 3,499 ам.доллароор зарагдаж байна.
Windows үйлдлийн системтэй төхөөрөмжүүдийн хувьд Best Buy дээр HP OmniBook Ultra 14 (Intel Core Ultra 7 356H, 16GB RAM, 1TB SSD) загварт 600 ам.долларын хямдрал зарлагдаж, 1,399.99 ам.доллар болжээ. Харин тоглоомын зориулалттай Acer Nitro V 16S AI (AMD Ryzen AI 7 350, RTX 5070) загварыг Amazon-оос 248 ам.долларын хөнгөлөлттэйгөөр 1,401.99 ам.доллароор авах боломжтой байна.
Төсөвт ээлтэй шилдэг сонголт: Dell XPS 13
1,000 ам.доллароос доош үнэтэй зөөврийн компьютеруудаас Dell XPS 13 (Intel Core 5 320, 8GB RAM, 512GB SSD) загвар Best Buy сүлжээнд 200 ам.доллароор хямдарч, 599.99 ам.доллар (үндсэн үнэ 799.99 ам.доллар) болсон нь онцлох сонголт болж байна. Тус загварын 16GB RAM-тай хувилбар нь мөн 200 ам.доллароор хямдарч 799.99 ам.доллароор борлуулагдаж байгаа юм.
Туршилтаар уг төхөөрөмжийн цэнэг видео тоглуулахад 19 цаг орчим ажилласан нь MacBook Neo загвараас (15 цаг хүрэхгүй хугацаанд цэнэг нь дууссан) илүү үзүүлэлт болсон бөгөөд мэдрэгчтэй дэлгэц болон гэрэлтдэг товчлууртайгаараа давуу талтай байна.
