Баярын улирлын худалдан авалтын эхлэл болдог Prime Big Deal Days хямдрал аравдугаар сарын 6-нд албан ёсоор эхлэх гэж байна. Үүнтэй холбогдуулан Mashable сэтгүүлийн шинжээчид зах зээл дээрх AirPods-ийн хямдралуудыг судалж, одоогоор хэрэгжиж буй болон түр хүлээхэд буруудахгүй саналуудыг тоймлон хүргэлээ.
Одоогоор зарлагдаад буй шилдэг хямдралууд
Эрт эхэлсэн хямдралуудаас дурдвал, суурь түвшний AirPods 4 загварыг Walmart дээр 129 ам.доллароос 30 ам.доллар хямдруулж, 99 ам.доллароор худалдаалж байна. Энэ нь дуу чимээ тусгаарлагч буюу ANC системгүй хамгийн сүүлийн AirPods загвар юм. Хэдийгээр энэ нь өмнөх хамгийн доод үнэ болох 69 ам.долларт хүрээгүй ч, баярын улирал ахих тусам олдоц нь хомсдож магадгүй байгаа бөгөөд Amazon дээр аль хэдийн дуусчээ.
Мөн бусад загваруудаас дурдвал:
- Apple AirPods Pro 3: 249 ам.доллароос 15 ам.доллар хямдарч, 234 ам.доллар болсон байна.
- Apple AirPods Max 2: 549 ам.доллароос 70 ам.доллар хямдарч, 479 ам.доллар болжээ.
Түр хүлээх нь зүйтэй хямдралууд
Харин есдүгээр сарын 18-нд шинээр гарсан AirPods 5 загварын хувьд одоогоор ердөө 4 ам.долларын л үнийн бууралт харагдсан байна. Энэ нь зах зээлд дөнгөж гарсан шинэ бүтээгдэхүүн тул баярын өдрүүд дөхөх тусам арай илүү хямдрал гарч магадгүй гэсэн хүлээлттэй байна. Утасгүй цэнэглэгчтэй AirPods 5-ын хувьд үнэ буураагүй байгаа бөгөөд аравдугаар сарын Prime Day-ээр гэнэтийн жижиг хямдрал үзүүлэх магадлал бүрэн үгүйсгэгдэхгүй юм.
Түүнчлэн дуу чимээ тусгаарлагчтай AirPods 4 нь 179-өөс 149 ам.доллар болж хямдарсан нь сайн санал мэт харагдавч, шинээр гарсан AirPods 5 (Wireless Charging Case-тэй) загвар нь яг адил 149 ам.долларын анхны үнэтэйгээс гадна дуугаралт болон ANC сайжруулалттай тул хуучин загварын үнэ 149-өөс доош унах хүртэл түр хүлээхийг шинжээч зөвлөжээ.
