Криптовалютын зах зээлийн голлох активууд болох биткоин болон эфирийн ханш 5 хүртэлх хувиар өсөлт үзүүлж байна. Энэхүү өсөлттэй зэрэгцэн АНУ-д бүртгэлтэй спот биткоин ETF-үүд рүү чиглэх хөрөнгө оруулалтын урсгал эерэг гарчээ.
SoSoValue-ийн мэдээлснээр, мягмар гарагт АНУ-ын спот биткоин ETF-үүд 181 сая ам.долларын хөрөнгө оруулалтыг татан төвлөрүүлсэн байна. Энэ нь өмнөх өдөр нь буюу даваа гарагт ойролцоогоор 425 сая ам.долларын гадагшлах урсгал бүртгэгдсэний дараах дүр зураг юм.
Үүний зэрэгцээ, эфирийн ETF-үүд мөн адил хөрөнгө оруулалт татаж, мягмар гарагт 58 сая ам.долларын нэмэлт оролт бүртгэгдлээ. Зах зээлийн голлох активуудын үнэлгээ өсөхийн зэрэгцээ ийнхүү хөрөнгө оруулалтын сангууд руу их хэмжээний хөрөнгө орж ирсэн нь ажиглагдаж байна.
