АНУ-ын Ерөнхийлөгч Дональд Трамп Холбооны нөөцийн сангийн (АНУ-ын Төв банк) удирдах зөвлөлийн гишүүн Лиза Күүкийг албан тушаалаас нь чөлөөлөх оролдлогоо дахин эхлүүллээ. Энэхүү алхам нь Төв банкны удирдах зөвлөлийг өөрийн үзэл бодол нэгт холбоотнуудаар дүүргэх зорилготой түүний бодлогын нэг хэсэг юм.
Трамп ийнхүү Лиза Күүкийг албан тушаалаас нь буулгах оролдлогыг хоёр сарын өмнө хийсэн боловч АНУ-ын Дээд шүүхээс уг шийдвэрийг нь хааж, зогсоосон байдаг. Хэдийгээр өмнөх оролдлого нь амжилтгүй болсон ч Ерөнхийлөгч байр сууриасаа ухралгүй, дахин идэвхтэй ажиллаж эхэллээ.
Холбооны нөөцийн сан буюу АНУ-ын Төв банк нь тус улсын мөнгөний бодлого, хүүгийн түвшин болон эдийн засгийн тогтвортой байдлыг хариуцдаг гол байгууллага юм. Трампын энэхүү үйлдэл нь тус байгууллагын бүрэлдэхүүнд өөрийн нөлөөг бэхжүүлэх, улмаар мөнгөний бодлогод өөрийн хүссэн чиглэлээ оруулах гэсэн оролдлого гэж ажиглагчид үзэж байна.
