АНУ-ын Ерөнхийлөгч Дональд Трамп ирэх мягмар гарагт газрын тос боловсруулах салбарын удирдлагуудтай уулзахаар төлөвлөж байгаа тухай Цагаан ордноос мэдээллээ. Энэхүү уулзалт нь Ираны дайны улмаас огцом өсөөд буй шатахууны үнийг бууруулах, тогтворжуулах зорилготой аж.
Арваннэгдүгээр сард болох АНУ-ын Конгрессын завсрын чухал сонгуулийн өмнө шатахууны үнэ нэмэгдсэн нь Бүгд найрамдах намынхны санааг зовоож байгаа бөгөөд тэд сонгогчид үүний төлөө сонгуулиар хариуцлага тооцож, саналаа өгөхгүй байх вий гэхээс эмээж байна.
Цагаан ордонд болох энэхүү яриа хэлэлцээ нь Трамп өнгөрсөн нэгдүгээр сард АНУ-ын цэргийн хүчинд түлхэгдэн унасан удирдагч Николас Мадурогийн улс болох Венесуэлийн газрын тосны нөөцөөс АНУ их хэмжээний хувь эзэмших тохиролцоонд хүрснээ зарласнаас хэдхэн хоногийн дараа тохиож байна.
