Дэлхийн томоохон технологийн компани болох Meta-д Европын Холбооноос хатуу анхааруулга ирүүллээ. Тус компанийн эзэмшдэг Facebook болон Instagram сүлжээнүүд нь хэрэглэгчдийг донтуулах шинж чанартай үйлдлүүдийг ашиглаж байгаа нь Дижитал үйлчилгээний тухай хууль (Digital Services Act)-ийг зөрчиж байна гэж Европын Комисс мэдэгдлээ.
Хяналтын байгууллагын зүгээс Meta-гийн хэрэгжүүлж буй хэд хэдэн гол онцлогуудыг онцолсон байна. Үүнд хэрэглэгчийн анхаарлыг тасралтгүй татах зорилготой хязгааргүй гүйлгэх (infinite scroll), видео автоматаар тоглогдох (autoplay), түлхэх мэдэгдлүүд (push notifications) болон хэрэглэгч бүрт тусгайлан тохируулсан зөвлөмжийн алгоритмууд багтаж байна.
Эдгээр функцүүд нь хэрэглэгчдийг платформ дээр илүү удаан хугацаагаар байлгахад чиглэсэн нь Европын Холбооны тогтоосон хууль эрх зүйн орчинтой зөрчилдөж байгаа аж. Хэрэв Meta энэхүү зөрчлөө арилгахгүй бол торгууль ногдуулах эрсдэлтэй байгааг албаны хүмүүс анхаарууллаа.
