SpaceX сансрын технологийн компанийг үүсгэн байгуулагч, бизнесмэн Илон Маск хиймэл оюун ухааны (AI) хөгжлийн талаар ноцтой байр суурь илэрхийлжээ. Түүний үзэж байгаагаар, хиймэл оюуны технологийн хөгжил маш хурдацтай явагдаж байгаа бөгөөд 10 жилийн дотор хүн төрөлхтөн түүнийг бүрэн хянах чадваргүй болох эрсдэлтэй байна.
Маск хиймэл оюун ухааныг зогсоох боломжгүй гэдгийг онцлоод, энэ салбарт тэргүүлж буй компаниудыг яаралтай арга хэмжээ авахыг уриаллаа. Тодруулбал, хамгийн хүчирхэг загваруудаа олон нийтэд танилцуулах, ашиглалтад оруулахаасаа өмнө аюулгүй байдлын асуудлыг нэн тэргүүнд тавьж, хоорондоо нягт уялдаатай ажиллах шаардлагатай байгааг тэрээр сануулсан юм.
Технологийн салбарт өрнөж буй энэхүү хурдацтай өөрчлөлт нь ирээдүйд хүн төрөлхтний хяналтаас гарах магадлалтай байгаа нь дэлхий дахины анхаарлыг татаж байна.
