Италийн шүүхээс тус улсын авто замын оператор компани болох «Autostrade per l’Italia»-ийн экс захирал Жованни Кастеллуччи-д 12 жилийн хорих ял оноолоо. Энэхүү шийдвэр нь найман жилийн өмнө болсон, олон хүний амь насыг авч одсон томоохон дэд бүтцийн ослын хэрэгтэй холбоотой юм.
Шүүхээс түүнийг Моранди гүүрний нуралттай холбоотойгоор хайхрамжгүй хандсан болон тээврийн хэрэгсэлтэй холбоотой хүний амь нас хохироосон гэм буруутайд тооцсон байна. Италийн томоохон хурдны замын нэг хэсэг байсан Моранди гүүр нурж унах үеэр 43 хүн амиа алдсан нь тус улсын түүхэн дэх хамгийн эмгэнэлт ослуудын нэгд тооцогддог.
Шүүх хурлын танхимд уг ослын үеэр амиа алдсан иргэдийн ар гэрийнхэн олноор цугларч, шүүхийн шийдвэрийг хүлээн авчээ.
