Их Британийн засгийн газар DeFi буюу төвлөрсөн бус санхүүгийн платформ ашигладаг хөрөнгө оруулагчдад чиглэсэн татварын шинэ зохицуулалтыг зарлалаа. Энэхүү өөрчлөлтийн дагуу крипто хөрөнгийг зээлийн протокол эсвэл хөрвөх чадварын санд (liquidity pool) байршуулах үйлдэл нь татвар ногдуулах гүйлгээнд тооцогдохгүй юм.
Өмнө нь ийм төрлийн үйлдлүүдийг хөрөнгө шилжүүлсэн гэж үзэн капитал олзын албан татвар (Capital Gains Tax) ногдуулдаг байсан бол шинэ журмаар уг татварыг хойшлуулах боломжтой болж байна. Ингэснээр хөрөнгө оруулагчид өөрийн крипто хөрөнгөө DeFi платформд байршуулах үедээ татвар төлөх шаардлагагүй болох юм.
Татварын энэхүү үүрэг нь зөвхөн хөрөнгийг бодит мөнгө болгон гаргаж авах (cash-out) үед л идэвхжих ажээ. Энэхүү алхам нь DeFi салбарт оролцогчдын татварын дарамтыг бууруулж, хөрөнгө оруулалтын үйл ажиллагааг илүү хялбарчлах зорилготой байна.
