АНУ-ын Лас-Вегас хотод мөрийтэй тоглоомын донтолтоосоо үүдэлтэй өр төлбөрөө дарахын тулд олон арван эрэгтэйтэй хуурамчаар гэрлэсэн хэрэг гарчээ. 33 настай Жиаин Чэнь нь 14 гаруй эрэгтэйтэй гэрлэлт батлуулсан хэмээн эрх баригчид буруутгаж байна.
Мягмар гарагт Лас-Вегасын шүүгч Ребекка Саксийн өмнө гарч ирэхдээ Чэнь урьдчилсан сонсголд оролцох эрхээсээ татгалзсан байна. Түүний өмгөөлөгч Томас Уэллсийн мэдээлснээр, үйлчлүүлэгч нь энэ долоо хоногт багтаан хоёр гэмт хэрэгт гэм буруугаа хүлээн зөвшөөрөх төлөвтэй байгаа аж.
Тодруулбал, тэрээр хоёр удаагийн хүнд гэмт хэрэгт буруутгагдаж байгаа бөгөөд үүнд нэг удаагийн хоёр эхнэртэй байх (bigamy) болон 100,000 ам. доллароос дээш хэмжээний мөнгийг хууран мэхлэх замаар олж авсан гэх зүйл ангиуд багтаж байна. Өмгөөлөгчийн хэлснээр, энэхүү шийдвэр нь хохирогчдод учирсан хохирлыг барагдуулахад чиглэх юм.
