Литвийн агаарын зайд сэжигтэй дрон дэлбэрсний улмаас тус улсын хойд болон төвийн бүсийн оршин суугчид нэг цагийн турш хорогдох байранд ороход хүрсэн тухай Ерөнхийлөгч болон батлан хамгаалахын албаныхан мэдэгдлээ. Энэхүү явдлын дараа НАТО сөнөөгч онгоцуудаа яаралтай хөөргөсөн байна.
Энэхүү сэжигтэй биет нь Польшоос дамжин Литвийн агаарын зайд нэвтэрсэн гэж тус улсын Батлан хамгаалахын сайд Робертас Каунас мэдээлсэн юм.
Уг хэрэг явдалтай холбогдуулан Украины Гадаад хэргийн яам Литвийн агаарын зайд болсон явдалд харамсаж буйгаа илэрхийлжээ. Мөн энэ нь Оросын зүгээс хийсэн цахим байлдааны ажиллагааны улмаас дроны чиглэл алдагдсанаас үүдэлтэй байж болзошгүй гэж нэмж мэдэгдсэн байна.
