Маркетингийн салбарт ажиллаж буй хүмүүс ажлаа хугацаанд нь амжуулж чадахгүй байх нь түгээмэл асуудал юм. Ихэнх тохиолдолд энэхүү хоцрогдол нь тухайн багийн стратеги сул байгаатай бус, харин ажлын явцад гардаг тодорхой бус хүсэлтүүд, ил харагддаггүй далд ажлууд болон тогтмол бус эргэх холбоо зэрэг хүчин зүйлсээс үүдэлтэй байдаг.
Entrepreneur сэтгүүлд онцолсноор, энэ төрлийн асуудал нь маркетингийн багуудын бүтээмжийг чимээгүйхэн бууруулж, төлөвлөсөн хугацааг нь алдагдуулдаг гол хүчин зүйл болдог байна. Мэргэжлийн түвшинд маркетингийн ажилд зайлшгүй шаардлагатай боловч ихэнх байгууллагад сургадаггүй энэ ур чадвар нь ажлын урсгалыг оновчтой болгоход чухал ач холбогдолтой юм.
Тодруулбал, захиалагч болон гүйцэтгэгч талуудын хоорондох тодорхой бус хүсэлтүүд нь ажлын эхлэлийг гацаадаг бол, үл үзэгдэх ажил буюу тайлагнагдаагүй жижиг ажлууд нь цаг хугацааг ихээр зарцуулдаг байна. Үүн дээр нэмээд тогтмол бус эргэх холбоо нь төслийн явцыг удаашруулж, эцсийн хугацааг алдахад хүргэдэг ажээ. Эдгээр хүчин зүйлсийг анзаарч, ажлын арга барилаа сайжруулах нь маркетингийн төслүүдийг илүү үр дүнтэй удирдах үндэс болно.
