Нийгмийн даатгалын сангийн санхүүжилтийн хямрал нь олон нийтийн анхаарлын төвд байгаа томоохон асуудал боловч үүнийг дагасан нэгэн чухал хүчин зүйл орхигдож байна гэж MarketWatch мэдээллээ. Энэхүү асуудал нь тэтгэвэр тогтоолгох нас болон түүнийг хойшлуулахтай шууд холбоотой юм.
Шинжээчдийн зүгээс анхааруулж буйгаар, иргэд нийгмийн даатгалын тэтгэвэр авах хугацаагаа 70 нас хүртэл хойшлуулах нь сар бүр авах тэтгэмжийн хэмжээг нэмэгдүүлэх үр дүнтэй. Энэхүү өсөлт нь зөвхөн үндсэн тэтгэмжээр хязгаарлагдахгүй.
Тэтгэвэр авах хугацааг хойшлуулснаар сар бүр олгогдох тэтгэврийн хэмжээ нэмэгдэхээс гадна, тухайн нэмэгдэл нь амьжиргааны өртгийн өөрчлөлттэй (cost-of-living adjustments) пропорциональ байдлаар уялдаж өсдөг байна. Иймд тэтгэвэр хойшлуулах нь санхүүгийн хувьд тодорхой давуу талуудыг бий болгодог хэдий ч үүнийг олон нийт тэр бүр анзаарахгүй, орхигдуулж байгаа нь анхаарал татаж байна.