АНУ-д 1965 онд ерөнхийлөгчийн зөвлөхүүдийн баг химийн болон нүүрстөрөгчийн тархмал бохирдол нь байгаль орчны эрүүл мэндэд хор хөнөөл учруулж, уур амьсгалыг өөрчилж байгааг анхааруулсан тайлан гаргаж байжээ. Үүнээс таван жилийн дараа буюу 1970 онд Ерөнхийлөгч Ричард Никсон Цэвэр агаарын тухай хуулийг (Clean Air Act) баталсан түүхтэй.
Энэхүү 1970 оны хууль болон түүний нэмэлт өөрчлөлтүүд батлагдсанаас хойш тээврийн хэрэгсэл болон үйлдвэрлэлийн эх үүсвэрээс ялгардаг хагас арав орчим төрлийн хорт бохирдуулагчийн нийлмэл ялгарал бараг 80 хувиар буурсан байна.
Гэвч ой хээрийн түймрийн утаанаас үүдэлтэй бохирдол нь агаарын чанарыг сайжруулахад гарсан дээрх ололт амжилтыг бүдгэрүүлж байгааг улам бүр нэмэгдэж буй баримтууд харуулж байна. Одоогийн байдлаар түймрийн утаа нь хүний үйл ажиллагаанаас үүдэлтэй агаарын бохирдлын эх үүсвэрүүдтэй харьцуулахад төрөхийн өмнөх үед илүү том аюул заналхийлэл болж байна.
Хязгаарлалтгүй шатах түлшний хэрэглээ нь ой хээрийн түймрийг илүү хүчтэй, сүйтгэлтэй болгох дулаан, хуурай нөхцөлийг бүрдүүлж байгаа аж. Үүний улмаас түймрийн утаа суурин газруудыг хорт утаанд бүрхэж, энэ нь бусад эх үүсвэрийн бохирдлоос илүү их хор хөнөөл учруулж байна.
