АНУ-ын Геологийн албаны (USGS) мэдээлснээр баасан гарагийн үдээс хойш Панам улсад 7.7 болон 6.6 магнитудын хүчтэй хоёр газар хөдлөлт болж, түүний араас хэд хэдэн удаагийн давтан чичирхийлэл мэдрэгдсэн байна.
Эдгээр газар хөдлөлтийн улмаас чичирхийллийн төвийн ойролцоох барилгууд нурж, улс орон даяар иргэдийг аюулгүй байршилд нүүлгэн шилжүүлэх ажил өрнөжээ.
Эхний хүчтэй газар хөдлөлтийн голомт нь тус улсын төв хэсгийн Эррера (Herrera) мужийн алслагдсан Pitaloza Arriba суурингаас баруун өмнө зүгт 10 километрийн зайд, 10 километрийн гүнд бүртгэгдсэн байна. Уг чичирхийлэл хөрш залгаа Колумб улсад хүртэл мэдрэгджээ.
