Кибер аюулгүй байдлын чиглэлээр үйл ажиллагаа явуулдаг Sophos группийн 2025 оны судалгаагаар, рансомвэр буюу мэдээллийг барьцаалах кибер халдлагад өртсөн компаниудын бараг тал орчим хувь нь хакеруудад мөнгө төлж байна. Энэ төрлийн халдлага үйлдэгчдийн нэхэмжилж буй төлбөрийн хэмжээ дунджаар өсөх хандлагатай байгаа нь байгууллагуудын хувьд хүндхэн сонголтын өмнө тавьж байна.
Хакеруудын арга улам боловсронгуй болсоор
Цаг хугацаа өнгөрөх тусам рансомвэр халдлага үйлдэгчид илүү нарийн арга барил ашиглах болжээ. Тэд ялангуяа эмзэг байдалтай жижиг болон дунд бизнесүүдийг онилох нь нэмэгдсэн байна. Энэхүү кибер гэмт хэргийн аюул нь зөвхөн хувийн хэвшлээр хязгаарлагдахгүй байгаа юм.
Төлбөр төлөхийг хориглох санаачилга
Дэлхийн зарим улс орон хакеруудад мөнгө төлөхийг хуулиар хориглох арга хэмжээ авч эхэллээ. Тухайлбал, Их Британийн засгийн газар төрийн өмчит байгууллагууд болон үндэсний чухал дэд бүтцийн бүлгүүд, тэр дундаа Үндэсний эрүүл мэндийн алба (NHS), орон нутгийн зөвлөлүүд болон сургуулиудыг хакеруудад мөнгө төлөхийг хориглох төлөвлөгөөгөө урагшлуулж байна. Энэхүү хориг нь кибер гэмт хэрэгтнүүдийн эсрэг авч буй хариу арга хэмжээний нэг хэсэг юм.
