Талибан хөдөлгөөн төрийн албан хаагчид, цагдаа болон цэргийн албан хаагчдын дунд ухаалаг гар утас ашиглахыг хориглосон шийдвэр гаргаснаа зарлалаа. Энэхүү хязгаарлалт нь зөвхөн төрийн албаар зогсохгүй боловсрол болон эрүүл мэндийн байгууллагуудад ч мөн хамаарч эхлээд байна.
Уг хориг арга хэмжээ нь төрийн байгууллагуудаас хальж, нийгмийн бусад салбарт нөлөөлж эхэлсэнд энгийн иргэд ихээхэн түгшүүртэй байна. Олон нийтийн дунд энэхүү хориг өөрсдөд нь хэзээ нөлөөлөх бол хэмээн болгоомжлох хандлага ажиглагдаж байгаа юм.
Одоогоор энэхүү шийдвэр нь төрийн алба, хүчний байгууллагууд болон тодорхой нийгмийн үйлчилгээний салбаруудад хэрэгжиж эхлээд байгаа бөгөөд цаашид ямар өргөн хүрээг хамарч, хэрхэн үргэлжлэх нь тодорхойгүй байна.
