АНУ-ын ерөнхийлөгч Дональд Трампын засаг захиргаа "New York Times" сонины хэд хэдэн сэтгүүлчийг шүүхэд дуудах мэдэгдэл хүргүүлжээ. Энэхүү үйл явдал нь тус сонины зүгээс ерөнхийлөгчийн шинэ "Air Force One" онгоцны аюулгүй байдалтай холбоотой асуудлыг сурвалжилж, нийтэлсэнтэй холбоотой байна.
Катарын засгийн газраас бэлэглэсэн гэх уг шинэ хөлөг онгоц өнгөрсөн долоо хоногт албан ёсоор ашиглалтад орсон юм. Гэвч онгоцны аюулгүй байдлын асуудлыг хөндсөн нийтлэлийн дараа холбооны мөрдөгчид сэтгүүлчдийн гэрт очиж, шүүхийн мэдэгдлийг гардуулан өгчээ.
Албан ёсны баримт бичигт дурдсанаар, эдгээр сэтгүүлчийг ирэх лхагва гарагт Манхэттен дэх холбооны тангарагтны шүүхэд ирж мэдүүлэг өгөхийг шаардаж байна. Одоогоор энэ асуудалтай холбоотойгоор нэмэлт мэдээлэл гараагүй байгаа бөгөөд сэтгүүлчдийн зүгээс ямар нэгэн байр суурь илэрхийлээгүй байна.
