Дэлхийн эрүүл мэндийн байгууллага (ДЭМБ) ХДХВ, вируст гепатит буюу элэгний үрэвсэл, болон бэлгийн замын халдварт өвчнүүдтэй (БЗХӨ) тэмцэх чиглэлээр хийж буй ажлууд эрсдэлд ороод байгааг мэдэгдлээ. Олон жилийн турш үргэлжилсэн энэхүү тэмцэл нь санхүүжилтийн дутагдлаас шалтгаалан гацаанд орох аюултай байгааг тус байгууллага онцолж байна.
Санхүүжилтийн энэхүү бууралт нь нийгмийн эрүүл мэндэд ноцтой сөрөг нөлөө үзүүлэхээр байна. Тухайлбал, сая сая хүн амь аврах боломжтой урьдчилан сэргийлэх арга хэмжээ, оношилгоо, болон эмчилгээний хүртээмжгүй болох эрсдэлтэй байгааг ДЭМБ-аас анхаарууллаа.
Өмнө нь эдгээр халдварт өвчний эсрэг хүрсэн ахиц дэвшил зогсонги байдалд орж болзошгүй байгаа нь дэлхий нийтийн эрүүл мэндийн салбарт томоохон сорилт болоод байна. Эдгээр өвчнүүд нь хүний амь нас болон эрүүл мэндэд шууд заналхийлдэг тул эдгээр чиглэлийн эмчилгээ, үйлчилгээний тогтвортой байдал нь нэн чухал ач холбогдолтой юм.
