Хиймэл оюун ухааны (AI) агентуудын аюулгүй байдлын талаарх шинэ судалгаагаар тэдгээрийг ботнет сүлжээ болгон хувиргаж болзошгүй аюул байгааг мэргэжилтнүүд онцолжээ.
Судлаачдын үзэж байгаагаар, AI агентуудын гаргадаг хий үзэгдэл (hallucinations) буюу буруу мэдээлэл үүсгэх, төөрөгдөх хандлагыг хакерууд ашиглах боломжтой юм. Энэхүү сул талыг ашигласнаар AI агентуудыг хуурч, улмаар хортой код татаж авахад хүргэх эрсдэлтэй байна.
Энэхүү аюул нь чатботуудын алдаа гаргадагтай ижил зарчмаар явагддаг бөгөөд үүний улмаас AI агентууд өөрийн мэдэлгүйгээр ботнет сүлжээний нэг хэсэг болж болзошгүй аж. Ийм төрлийн халдлага нь хиймэл оюун ухааны технологийн аюулгүй байдлын шинэ сорилтуудын нэг болоод байна.
