Олон жилийн турш хиймэл оюун ухааны салбарын өрсөлдөөн цахиурын хөндийн "хурдан хөдөлж, аливааг эвдэх" зарчмаар явж ирсэн билээ. Гэвч ердөө 10 хоногийн дотор өрнөсөн цуврал үйл явдлууд хиймэл оюун ухааны томоохон лабораториудыг цочролд оруулж эхэллээ.
Энэ хугацаанд тэдний бүтээсэн технологиуд хүн төрөлхтөнд өөрт нь аюул учруулж болзошгүй нөхцөл байдал үүссэн байна.
Хиймэл оюун ухааны судалгаа, хөгжүүлэлтийн чиглэлээр ажилладаг Anthropic компанийн нэгэн судлаач ажлаасаа гарсан бөгөөд хиймэл оюун ухааны хөгжлийн хурдацтай явц нь магадгүй 10 жилийн дотор хүн төрөлхтний оршин тогтнолд аюул занал учруулж болзошгүйг анхааруулжээ. Түүнчлэн тус компанийн өөр нэг судлаач хүн төрөлхтний хувь заяа, эрсдэлийн талаарх магадлалын асуудлыг хөндсөн байна.
