Чихрийн шижин өвчнийг эмчлэх болон жин хасах зорилгоор ашигладаг GLP-1 төрлийн эмчилгээнд шинэ дэвшил гарч байна. Саяхан явагдсан эмнэлзүйн хоёрдугаар шатны (2b) туршилтаар бофанглутид (bofanglutide) нэртэй шинэ тариа нь цусан дахь сахарын хэмжээг бууруулахад үр дүнтэй болохыг харуулжээ.
Одоогийн байдлаар зах зээлд өргөн хэрэглэгдэж буй Оземпик (Ozempic) болон Вегови (Wegovy) зэрэг тарианууд нь долоо хоногт нэг удаа тарих горимтой байдаг. Харин шинээр туршигдаж буй энэхүү тариа нь хоёр долоо хоногт нэг удаа тарих зориулалттайгаараа онцлог юм.
Туршилтын үр дүнгээс харахад, бофанглутид нь зөвхөн цусан дахь сахарын хэмжээг тогтворжуулаад зогсохгүй, биеийн жин бууруулах болон зүрх судасны бодисын солилцооны эрсдэлт хүчин зүйлсийг сайжруулахад эерэг нөлөө үзүүлжээ.
