Байгууллагын хурал болон уулзалтын үеэр ажилчид дуугүй байх нь тухайн асуудал дээр санал нэгдэж байгааг илтгэдэггүй. Entrepreneur сэтгүүлд мэдээлснээр, энэхүү нам гүм байдал нь ихэвчлэн ажилчдын айдас буюу сэтгэл зүйн хувьд аюулгүй байдлыг мэдрэхгүй байгаагийн шинж тэмдэг ажээ.
Ажилчид өөрийн бодлыг чөлөөтэй илэрхийлэх боломжгүй гэж үзсэн үедээ ажлын байран дээрээ өөрийгөө нуун далдлах буюу "ажлын маск" зүүдэг байна. Энэ нь тэднийг жинхэнэ боломжоо бүрэн ашиглаж, бүтээлчээр оролцохын оронд зөвхөн гүйцэтгэлийн төлөө ажиллахад хүргэдэг байна.
Баг доторх үнэнч байдлыг хэрхэн бий болгох вэ?
Ажилчдынхаа бүрэн чадавхыг нээж, үнэнч шударга харилцааг бий болгохын тулд удирдагчид дараах алхмуудыг хийх шаардлагатай гэж үзжээ:
1. Удирдагчид өөрсдөө үлгэр дуурайл үзүүлэх: Удирдагч өөрөө үнэнч шударга байдлыг эхлүүлж, ил тод байх нь багийн соёлд шууд нөлөөлдөг.
2. Илэн далангүй яриа өрнүүлэх: Ажилчдыг санал бодлоо чөлөөтэй илэрхийлэхэд нь уриалж, тэднийг сонсох нь чухал юм.
3. Итгэлцлийг бүтээх: Сэтгэл зүйн хувьд аюулгүй орчныг бүрдүүлснээр ажилчид өөрийн бодлыг нуух шаардлагагүй болж, илүү үр дүнтэй хамтран ажиллах боломж бүрддэг.
Эдгээр алхмуудыг хэрэгжүүлснээр байгууллагууд ажилчдаа зөвхөн ажил гүйцэтгэгч байхаас гадна өөрсдийн бүхий л боломжоороо хувь нэмэр оруулах боломжийг бүрдүүлдэг байна.
