Дэлхий дахинд өрнөж буй тодорхойгүй байдлын улмаас Европын орнууд гадаад харилцаагаа хэрхэн чиглүүлэх талаар дахин эргэцүүлж байна. Энэхүү асуудал нь зөвхөн эдийн засаг, геополитикийн хүрээнд хязгаарлагдахгүй бөгөөд улс орнуудын нэр хүндтэй холбоотой асуудал болон хувирчээ.
Public First байгууллагаас зургаадугаар сард Европын холбооны 24 оронд явуулсан судалгаагаар тус улсууд АНУ эсвэл Хятад улсын аль нэгтэй нь илүү дотно харилцаа тогтоох эсэх дээр санал хуваагдсан байна. Судалгаагаар найман орон Хятад улстай, есөн орон АНУ-тай илүү ойр байхыг илүүд үзжээ. Харин үлдсэн долоон орон энэ асуудал дээр тодорхой байр суурьгүй, санал нь хуваагдсан байна.
Хятад улс өөрийгөө илүү тогтвортой, найдвартай урт хугацааны түнш хэмээн харуулахыг зорьж байгаа бөгөөд энэ нь тус улсын өсөн нэмэгдэж буй нөлөөллийн нэг хэсэг юм. Тус улсын хувьд зөөлөн хүчний бодлого буюу олон улсад хүлээн зөвшөөрөгдөх, нэр хүндээ өсгөх ажиллагаа нь нэн чухал ач холбогдолтой болоод байна.
