Технологийн салбарт тэргүүлэгч Apple компани өөрийн шинэ бүтээгдэхүүн болох MacBook Air (M5)-ийг танилцууллаа. Энэхүү зөөврийн компьютер нь ердөө 2.7 фунт жинтэй, 0.44 инчийн зузаантай бөгөөд маш нимгэн, хөнгөн загвараараа онцлог юм.
Шинэ загвар нь хурд сайтай M5 чип, Touch ID, HDR Liquid Retina дэлгэц болон хиймэл оюун ухааны (AI) ажлын ачааллыг дэмжих зориулалттай мэдрэлийн хурдасгуураар (Neural Accelerators) тоноглогджээ. Өнгөний хувьд шөнө дундын хар, тэнгэрийн цэнхэр, мөнгөлөг болон одны гэрэл (starlight) гэсэн сонголтуудтай.
Гэвч дэлхий дахинд нүүрлээд буй санах ойн хямралын улмаас уг төхөөрөмжийн үнэ өсөв. Одоогоор 13 инчийн загвар нь 1,299 ам.доллар (хуучин үнэ 1,099 ам.доллар), 15 инчийн загвар нь 1,499 ам.доллар (хуучин үнэ 1,299 ам.доллар)-ын үнэтэйгээр худалдаалагдаж байна.
Шинжээчдийн зүгээс энэхүү төхөөрөмжийг инженерчлэл, дизайн болон хэрэглэгчийн туршлагын хувьд өө сэвгүй хэмээн үнэлж байгаа ч энгийн хэрэглэгчдэд хэт хүчирхэг, улмаар үнийн хувьд өндөр байж магадгүй гэж үзэж байна. Хэрэв та өмнө нь M3 эсвэл M4 загварын MacBook Air ашиглаж байгаа бол шинэчлэхээ түр азнахыг зөвлөж байна.
