Япон улсын Кумамото нэгдсэн эмнэлгийн хагалгааны өрөөнд өрнөсөн эгзэгтэй мөчийг харуулсан бичлэг олон нийтийн анхаарлыг татаж байна. Тус эмнэлгийн хамгаалалтын камерт бичигдэн үлдсэн дүрс бичлэгээс харахад өнгөрсөн сард болсон 6.8 магнитудын хүчтэй газар хөдлөлтийн үеэр эмч нар хэрхэн ажилласан нь тодорхой харагдана.
Бичлэг дээр эмч нар хагалгааны ширээн дээр хэвтэж буй өвчтөнийг газар хөдлөлтийн чичирхийллээс хамгаалахын тулд биеэрээ халхлан зогсож байгаа нь дүрслэгджээ. Байгалийн гэнэтийн аюулын үед эмнэлгийн ажилтнууд өвчтөний аюулгүй байдлыг нэн тэргүүнд тавьж, шуурхай арга хэмжээ авсан нь бичлэгээс харагдаж байна.
