NASA-ийн Сарны өдөр тутмын хөтөч (Daily Moon Guide) мэдээлснээр, долдугаар сарын 21-ний өдөр сарны мөчлөгийн эхний дөрөвний нэг (First Quarter) үе шат тохиож байна. Энэ үед сарны гадаргуугийн 48 хувь нь харагдах бөгөөд сар шинэ сар болон тэргэл сарны хоорондох замынхаа яг талд нь ирээд байна.
Энэ үеэр та ямар нэгэн тусгай хэрэгсэлгүйгээр нүдээрээ Mares Crisium болон Fecunditatis хэмээх гадаргуугийн хэсгүүдийг олж харах боломжтой. Харин дуран авай ашиглавал Endymion тогоо, Posidonius тогоо болон Mare Nectaris-ийг илүү тод харах боломжтой юм. Хэрэв та одон орон судлалын дуран ашиглавал Apollo 11 болон 17-ийн газардаж байсан цэгүүд, мөн Rupes Altai-г харах боломжтой гэж NASA мэдээлжээ.
Сар дэлхийг тойрохдоо ойролцоогоор 29.5 хоногийг зарцуулдаг бөгөөд энэ хугацаанд найман өөр үе шатыг дамждаг байна. Сарны харагдах байдал нь нарны гэрэл түүний гадаргуу дээр хэрхэн тусч байгаагаас хамааран өөрчлөгддөг. Дараагийн тэргэл сар долдугаар сарын 29-нд тохиох төлөвтэй байна.
