Интернэтээр аялах үед хаа сайгүй гарч ирдэг төрөл бүрийн сурталчилгаа, попап болон видео зарыг хаах боломжийг олгодог AdGuard үйлчилгээ Family Plan багцдаа томоохон хямдрал зарлалаа. Энэхүү багцын насан туршийн эрхийн үнэ үндсэн 169.99 ам.доллароос хямдарч, 17.97 ам.доллар болсон байна. Энэ нь нийт 152.02 ам.долларын хэмнэлт болж байгаа юм.
Уг хямдралын хүрээнд нийт есөн төхөөрөмж дээр тус программ хангамжийг ашиглах боломжтой бөгөөд нэг төхөөрөмжид ногдох зардал нь ойролцоогоор 2 ам.доллароос ч бага гарч байна. Түүнчлэн энэ нь насан туршийн эрх тул нэг удаа худалдан авснаар цаашид гарах бүх шинэчлэлт, шинэ функцуудыг нэмэлт төлбөргүй авах давуу талтай.
Ямар давуу талтай вэ?
Сурталчилгаа нь цахим хуудсыг замбараагүй харагдуулахаас гадна ачааллыг удаашруулж, дата их зарцуулдаг төдийгүй заримдаа хортой код (malware) агуулсан байх эрсдэлтэй байдаг. AdGuard нь баннер, попап болон видео заруудыг хааснаар хуудас хурдан ачааллахад тусалдаг байна. Мөн хэрэглэгчийн үйл ажиллагааг сайт дамжин мөрддөг хянах системүүдийг (trackers) блоколдог.
Үүнээс гадна тус программ нь фишинг холбоос болон хортой вэбсайтуудыг хааж, залилангаас сэргийлэх хамгаалалтын давхарга үүсгэдэг. Эцэг эхийн хяналтын тохиргооны тусламжтайгаар насанд хүрэгчдэд зориулсан тохиромжгүй контентуудыг хүүхдийн төхөөрөмжөөс шүүх боломжтой.
Ашиглах нөхцөл
AdGuard Family Plan нь Windows, macOS, iOS болон Android үйлдлийн системтэй бүх төрлийн утас, таблет, зөөврийн компьютер дээр ажиллана. Энэхүү багцын төхөөрөмжийн тоо нь AdGuard-ын Personal багцаас гурав дахин их юм.
Тус хямдрал нь зөвхөн AdGuard-ын шинэ хэрэглэгчдэд зориулагдсан бөгөөд худалдан авснаас хойш 30 хоногийн дотор идэвхжүүлэх шаардлагатай. Хямдралын санал 11 дүгээр сарын 8-ны өдрийг хүртэл үргэлжлэх бөгөөд StackSocial дээрх үнэ цаашид өөрчлөгдөх боломжтой байна.
