Дэлхийн спортын хувцасны томоохон төлөөлөгч Adidas брэнд өөрийн Originals шугамыг өргөжүүлж, Originals Sport нэртэй шинэ цуглуулгаа худалдаанд гаргалаа. Энэхүү коллекц нь брэндийн сонгодог Superstar дасгалын хувцаснаас санаа авч, спортын технологи болон гудамжны загварыг хослуулснаараа онцлог юм.
Шинэ цуглуулгад биеийн тамирын дасгалаас гадна өдөр тутамд өмсөхөд тохиромжтой хөхний даруулга, леггинс, майк, нэг бүхэл хувцас (onesie) болон давхарлаж өмсөх боломжтой хувцаснууд багтжээ. Эдгээр бүтээгдэхүүнд Climacool, AdiSoft, LYCRA Adaptiv зэрэг гүйцэтгэлийг сайжруулах технологиудыг ашигласан байна.
Сурталчилгааны кампанит ажилд поп дуучин Tate McRae, Эмилия Мернес болон волейболын тамирчин Харпер Мюррей нар оролцож байгаа юм. Тэд спортын болон хөгжмийн салбарыг холбосон Adidas-ын шинэ алсын харааг илэрхийлж байна. Tate McRae-ийн хувьд YouTube-д дуу бичлэгээ оруулдаг байсан өсвөр насны дуучнаас өдгөө поп хөгжмийн ертөнцийн томоохон төлөөлөгч болон хөгжсөн түүхтэй билээ.
Шинэ коллекц Нью-Йорк хотод долдугаар сарын 22-нд анх танилцуулагдсан бөгөөд долдугаар сарын 23-наас эхлэн худалдаанд гарсан байна. Цуглуулгад багтсан хөхний даруулга, леггинс, шорт, нэг бүхэл хувцас болон гадуур хувцаснууд нь Trefoil брэнд болон гурван зураастай загварын онцлогийг шингээжээ.
