Дэлхийн цахим худалдаа болон технологийн аварга Amazon компани хиймэл оюун ухааны (AI) чиглэлд анхаарлаа хандуулж эхэллээ. Тус компанийн төхөөрөмж болон үйлчилгээ хариуцсан удирдлага хиймэл оюун ухааныг дэмжих шинэ технологиуд, тэр дундаа Alexa Plus системийн талаар мэдээлэл өглөө.
Amazon нь гэрийн ухаалаг төхөөрөмжүүд болон ирээдүйн гар утасны гаджетуудад ашиглагдах шинэ AI чипүүдийг бүтээхээр ажиллаж байна. Энэхүү технологи нь хиймэл оюун ухааныг илүү өргөн хүрээнд дэмжих зорилготой юм. Тус компани нь өөрийн алдартай дуут туслах болох Alexa-г илүү хүчирхэгжүүлэх Alexa Plus төсөл болон түүнийг дагалдах шинэ технологийн шийдлүүдэд гол анхаарлаа хандуулж байгаа ажээ.
