Намар дөнгөж эхэлж байгаа ч баярын худалдан авалтын улирал аль хэдийн идэвхжиж эхэллээ. Урьд нь зөвхөн Black Friday-аар эхэлдэг байсан бол энэ удаад Amazon-ы жил бүрийн Prime Big Deal Days хямдрал 10 дугаар сарын 6-наас 7-ны өдрүүдэд явагдахаар товлогджээ.
Уг өдөрлөгийг угтан зарим томоохон брэндүүдийн бүтээгдэхүүн, тэр дундаа Apple-ийн төхөөрөмжүүдийн үнэ урьдчилан буурч эхэлсэн байна. Сүүлийн нэг жилийн хугацаанд Apple бүтээгдэхүүнүүдийнхээ үнийг өсгөсөн тул одоогийн багахан хямдрал ч хэрэглэгчдэд хэмнэлт болохоор байна.
iPad Air болон бусад загварын үнэ
Эдгээр хямдралаас 11 инчийн хэмжээтэй, M4 чип болон 128GB санах ойтой iPad Air (WiFi) загвар хамгийн их анхаарал татаж байна. Уг төхөөрөмжийн үндсэн үнэ 749 ам.доллар байдаг бол одоо 100 ам.доллароор хямдарч, 649 ам.доллар болжээ. Энэ нь 13 хувийн хямдрал юм. Уг загвар нь зөөврийн компьютер шиг хүчин чадалтай, ажиллах хугацаа сайтайгаас гадна шинэчлэгдсэн iPadOS үйлдлийн системээр олон цонх зэрэг нээж ажиллах боломж олгодог байна.
Мөн бусад загваруудад дараах хямдралууд зарлагджээ:
* iPad (A16, 128GB, WiFi): 449 ам.доллароос 399 ам.доллар болж 50 ам.доллар хямдарсан
* iPad (A16, 256GB, WiFi): 549 ам.доллароос 499 ам.доллар болж 50 ам.доллар хямдарсан
* iPad Air 11-inch (M4, WiFi + Cellular, 128GB): 899 ам.доллароос 799 ам.доллар болж 100 ам.доллар хямдарсан
* iPad Air 13-inch (M4, WiFi, 128GB): 949 ам.доллароос 849 ам.доллар болж 100 ам.доллар хямдарсан
* iPad Pro 11-inch (M5, WiFi, 256GB): 1,199 ам.доллароос 1,139 ам.доллар болж 60 ам.доллар хямдарсан
* iPad Pro 13-inch (M5, WiFi + Cellular, 256GB): 1,699 ам.доллароос 1,616 ам.доллар болж 83 ам.доллар хямдарсан
* iPad Pro 13-inch (M4, WiFi, 512GB): 1,499 ам.доллароос 1,299 ам.доллар болж 200 ам.доллар хямдраад байна.
Эдгээр үнийн бууралт нь түүхэн дэх хамгийн том хямдрал биш боловч баярын улирлын албан ёсны өдөрлөгөөс өмнө хямд үнээр худалдан авах боломж олгож байна.
