Данийн алдарт Aqua поп хамтлаг тарах болсноо албан ёсоор зарлалаа. 1990-ээд оны сүүлч, 2000-аад оны эхээр “Barbie Girl”, “Doctor Jones” зэрэг хит дуугаараа дэлхий даяар алдаршсан энэ хамтлаг цаашид хамтдаа уран бүтээл хийхгүй гэдгээ мэдэгдэв.
Тэдний “Barbie Girl” дуу нь Их Британийн хит парадад хамгийн их борлуулалттай синглүүдийн нэгээр нэрлэгдэж байсан бөгөөд дэлхий даяар сая сая хувь борлогдсон билээ. Хамтлагийн гишүүд болох Лене Нистрём, Рене Диф, Сёрен Растед, Клаус Норреен нар хамтдаа олон жилийн турш ажилласны эцэст ийм шийдвэр гаргасан бололтой.
Aqua хамтлаг 1989 онд Joyspeed нэртэйгээр байгуулагдаж, 1996 онд Aqua нэрээр дахин бүрэлдэн тогтсон. Тэд 1997 онд “Aquarium” нэртэй анхны цомог гаргаж, тэр даруй дэлхий даяар алдаршсан юм. Хамтлаг 2001 онд түр тарж, 2007 онд дахин нэгдсэн ч эцэст нь хамтын уран бүтээлээ зогсоохоор шийдсэн байна.
Тэдний энэхүү шийдвэр нь фенүүдийнх нь хувьд том цочрол болж байгаа бөгөөд олон нийт цаашдын уран бүтээлд нь амжилт хүсч байна.
