Видео тоглоом хөгжүүлэгч Gust студийн алдарт Atelier цуврал нь олон тооны шүтэн бишрэгчтэй, дур булаам эмэгтэй гол дүрүүдээрээ танигдсан билээ. Тухайлбал, цувралын өмнөх дүрүүд болох Ryza нь гэнэн цагаахан, цовоо сэргэлэн аялагч байсан бол Atelier Yumia-ийн Yumia нь сэтгэл хөдлөл багатай, алхимийн судалгаандаа туйлын няхуур ханддаг дүр байв.
Тэгвэл Atelier Karia тоглоомоор дамжуулан хөгжүүлэгчид цоо шинэ алхам хийж байна. Энэхүү тоглоомын гол дүр нь ой санамжаа алдсан, байнгын өлсгөлөн байдаг бөгөөд алхимийн зүйлсээс гадна зэр зэвсэг, бөмбөг хүртэл юуг ч хамаагүй идэх чадвартай аж.
Үүгээр ч зогсохгүй, саяхан явуулсан нэгэн санал асуулгаас үзвэл Gust студи тоглоомд биеийн галбир өөрчлөгддөг шинэ механизм оруулахаар бэлтгэж байж болзошгүй байна. Энэхүү системийн хүрээнд гол дүр Karia нь идсэн хоол, зүйлсээсээ хамааран таргалах эсвэл гэдэс нь цүрдийж хөөх боломжтой байх магадлалтай юм.
