Дэлхийн автомашины зах зээлд тансаг зэрэглэлийн хүлгүүдээрээ танигдсан Bentley компани ирээдүйн чиг хандлагад нийцүүлэн цахилгаан автомашины салбарт анхны алхмаа хийж байна. Тус компани өөрийн анхны цахилгаан хөдөлгүүрт загвар болох Torcal-ыг бүтээж байгаагаа албан ёсоор зарлалаа.
Энэхүү шинэ загвар нь автомашин сонирхогчдын анхаарлыг ихэд татаж байгаа бөгөөд Bentley брэндийн хувьд цахилгаан хөдөлгүүрт технологи руу шилжиж буй чухал үйл явдал болж байна. Одоогоор тус загварын талаарх дэлгэрэнгүй мэдээлэл хараахан гараагүй байгаа ч есдүгээр сарын сүүлээр албан ёсны нээлтээ хийхээр товлогджээ.
Автомашин үйлдвэрлэлийн салбарт өрнөж буй цахилгаан хөдөлгүүрт шилжилтийн хүрээнд Bentley-ийн гаргаж буй энэхүү шийдвэр нь хэрэглэгчдийн дунд хүлээлт үүсгээд байна. Torcal загварын албан ёсны танилцуулга болох хүртэлх хугацаанд тус брэнд шинэ загварынхаа талаарх мэдээллийг ийнхүү нууцлан хадгалж байна.
