Кино, телевизийн контент тогтмол үздэг хүмүүсийн хувьд энгийн зурагтын дуугаралт заримдаа хангалтгүй санагддаг. Тэгвэл гэрийнхээ аудио дуугаралтыг сайжруулахаар төлөвлөж буй хэрэглэгчдэд зориулсан нэгэн таатай хямдрал гарчээ.
Наймдугаар сарын 18-ны байдлаар Amazon дээр Bose Smart Ultra Dolby Atmos саундбар үндсэн үнэ болох 999 ам.доллароос 679 ам.доллар болж буурсан байна. Энэ нь 320 ам.доллар буюу 32 хувийн хямдрал юм.
Технологийн онцлог болон боломжууд
Энэхүү саундбар нь зөвхөн чанартай дуугаралт өгөөд зогсохгүй Bluetooth спикер болон хүрээлэх дуугаралтын системийн үүргийг давхар гүйцэтгэх боломжтой. Тус төхөөрөмжид дуу чимээг ялгаж, өрөөний өөр өөр хэсэгт байрлуулах зориулалттай Dolby Atmos болон Bose TrueSpace технологийг ашигласан нь үзэгчдэд яг л дэлгэц дээр өрнөж буй үйл явдлын дунд байгаа мэт сэтгэгдэл төрүүлдэг.
Түүнчлэн киноны харилцан яриа болон арын хөгжмийг тэнцвэржүүлж, яриаг маш тод сонсгох AI Dialogue Mode горимтой. Саундбар нь нийт зургаан хувиргагч (transducers) болон өрөөг бүхэлд нь дуугаар дүүргэх зориулалттай, тусгайлан бүтээгдсэн дээшээ харсан хоёр чанга яригчаар тоноглогдсон байна.
