Тогтвортой ханштай криптовалют буюу stablecoin-ийн зах зээлд томоохон өөрчлөлт гарах төлөвтэй байна. Circle компанийн гаргадаг USDC-ийн зах зээлийн үнэлгээ 13 хувиар буурсан нь энэ салбарт шинэ өрсөлдөгч хүч түрэн орж ирсэнтэй холбоотой гэж үзэж байна.
Open Standard-ын хөгжүүлж буй Open USD нь зах зээлд шинэ өрсөлдөгч болон гарч ирж байгаа юм. Энэхүү шинэ сүлжээг төлбөрийн үйлчилгээний аварга Stripe, криптовалютын бирж Coinbase болон хөрөнгө оруулалтын BlackRock зэрэг дэлхийн санхүүгийн салбарын томоохон тоглогчид дэмжиж байна.
Open USD-ийн гол зорилго нь түншүүддээ нөөцийн орлогоо хадгалах боломжийг олгох, мөн зоос шинээр гаргах буюу minting хийх явцад гардаг хураамжийг бүрмөсөн устгах юм. Эдгээр боломжууд нь одоогийн зах зээлд ноёрхож буй Circle-ийн USDC-д шууд сорилт болж байгаа ажээ.
