Хиймэл оюун ухааны салбарт тэргүүлэгчдийн нэг болох Anthropic компани хэрэглэгчдийнхээ нууцлалыг хамгаална гэсэн байр сууриа илэрхийлсээр ирсэн ч саяхан томоохон шүүмжлэлтэй тулгарлаа. Тус компанийн бүтээсэн Claude хиймэл оюуныг ашиглагчдын дунд нууц мөрдлөг явуулж байсан нь илэрч, хэрэглэгчдийн дургүйцлийг хүргэв.
Уг асуудалтай холбогдуулан Anthropic компанийн зүгээс хэрэглэгчдийг тагнасан гэх буруутгалыг хүлээн авсан байна. Компанийн инженер энэхүү үйл ажиллагааг "туршилт" гэж нэрлэсэн бөгөөд одоо уг туршилт дууссан болохыг мэдэгдлээ.
Хиймэл оюуны салбарт аюулгүй байдал, нууцлалын асуудал нэн тэргүүнд тавигддаг энэ үед Anthropic компанийн энэхүү үйлдэл нь хэрэглэгчдийн дунд багагүй эргэлзээ төрүүлээд байна. Одоогоор уг туршилт яг ямар зорилготой байсан болон хэрэглэгчдийн мэдээлэлд хэрхэн нөлөөлсөн талаарх дэлгэрэнгүй мэдээлэл хараахан гараагүй байна.
