Valve компани Counter-Strike 2 тоглоомдоо томоохон хэмжээний шинэчлэлт орууллаа. Энэхүү шинэчлэлийн гол онцлох зүйл нь түргэн хэмнэлтэй, гурав гурваараа өрсөлдөх Rush хэмээх цоо шинэ горим юм.
Шинэ Rush горим нь нийт 15 газрын сангаас сонгогдох дараалал бүхий 3v3 системээр тоглогдоно. Тоглолт бүрт тус сангаас дундын нэг газрыг оруулаад нийт долоон газрыг сонгож тоглох бөгөөд тоглолт уг төвийг сахисан газраас эхэлдэг байна. Мөн энэхүү горим нь олс таталттай төстэй онооны системтэй бөгөөд үе бүрт төвийн цамхгийг хожигдож буй багийн тал руу шахах зарчмаар явагддаг.
Үүнээс гадна уг шинэчлэлтээр Premier горимын газрыг хасах (ban) хуучин бүтцийг халж, шинэ сонголтод суурилсан системээр сольжээ.
Тоглоомын явцад мөн цөөн бус өөрчлөлт орсон байна. Тоглогчид одоо сумаа чимээгүй цэнэглэх боломжтой болсон ч энэ нь ердийнхөөс илүү их хугацаа шаардахаар болжээ. Мөн онилгооны тохиргоог дэлгэцийн нягтаршлаас хамаарахгүй болгож, Dynamic Quad хэмээх шинэ анхдагч тохиргоог нэвтрүүлсэн бөгөөд зарим алдаануудыг зассан байна.
