Delta Force тоглоом нь FPS төрлийн тоглоомуудын нэр хүндтэй төлөөллүүдийг нэгтгэсэн дэлхийн хэмжээний шинэ арга хэмжээг зохион байгуулах гэж байна.
Удахгүй эхлэх Streamer Ladder нэртэй энэхүү тэмцээнд контент бүтээгчдээс гадна ZywOo, iiTzTimmy, ImperialHal зэрэг FPS тоглоомуудын олон талын төлөөлөл болох алдартай контент бүтээгчид оролцохоор болжээ. Тус арга хэмжээ нь FPS чиглэлийн хэд хэдэн алдартай тоглоомоос авьяастнуудыг цуглуулж буйгаараа онцлог юм.
Тэмцээн 9 дүгээр сарын 19-нөөс 26-ны хооронд үргэлжлэх хуваарьтай байна. Энэхүү тэмцээнд нийт 40 гаруй стример оролцох бөгөөд тэд нэгдсэн нэг чансааны хүснэгтээр 50,000 гаруй ам.долларын шагналын төлөө өрсөлдөх юм.
