Ethereum криптовалютын зах зээлд эргэлзээ төрүүлсэн мэдээлэл цацагдаж эхэллээ. Криптовалютын шинжээч Али Мартинез X хуудсандаа Ethereum-ийн 1 долоо хоногийн үнийн графикт TD Sequential гэх техникийн шинжилгээний дохио гарч ирснийг онцолжээ. Энэ нь Ethereum-ийн үнэ огцом буурах магадлалыг анхааруулж буй хэрэг юм.
TD Sequential индикатор нь үнийн чиг хандлагын өөрчлөлтийг тодорхойлоход ашиглагддаг бөгөөд өмнө нь ийм дохио гарч байсан нь Ethereum-ийн үнэ 63%-иар унахад хүргэж байсан түүхтэй. Өөрөөр хэлбэл, энэ индикатор нь зах зээлийн идэвхтэй тоглогчдод худалдах цаг болсныг анхааруулж байгаа юм.
Ethereum-ийн үнэ сүүлийн үед тогтворгүй байдалтай байгаа бөгөөд энэ дохио нь нэмэлт дарамт үзүүлж болзошгүй. Зарим шинжээчид Ethereum-ийн үнэ 2250 доллар хүртэл буурч магадгүй гэж үзэж байна. Гэсэн хэдий ч, криптовалютын зах зээл маш хувьсамтгай тул ямар ч таамаглал баталгаатай биш гэдгийг санах нь зүйтэй.
Залуучууд аа, криптовалютад хөрөнгө оруулахдаа болгоомжтой хандаж, эрсдэлээ үргэлж тооцож байгаарай. Зах зээлийн мэдээллийг байнга хянаж, өөрийн гэсэн судалгаа хийж байх нь чухал шүү.
