Counter-Strike-ийн дэлхийн аварга шалгаруулах тэмцээнд олон жил амжилттай оролцож, олон мянган залуусын шүтээн болсон Бразилийн тоглогч Габриэль “FalleN” Толедо зодог тайлах шийдвэрээ зарласнаас хойш түүний ирээдүйн төлөвлөгөө олон хүний сонирхлыг татаж байна.

HLTV-д өгсөн ярилцлагадаа Фаллен зөвхөн өөрийнх нь баг Vitality-д хожигдсон тухай бус, мөн зодог тайлах шийдвэрээ юуны учир гаргасан, цаашдаа юу хийхээр төлөвлөж байгаагаа дэлгэрэнгүй ярьжээ. Түүний хэлснээр зодог тайлах гол шалтгаан нь залуу үед боломж олгох, өөрийн хуримтлуулсан туршлагаа залуучуудад хуваалцах хүсэл юм байна.

Фаллен ярилцлагадаа “Би Counter-Strike төдийгүй бусад тоглоомоор дамжуулан хүмүүсийн амьдралыг өөрчлөхийг хүсч байна. Энэ бол миний зорилго. Би залуу тоглогчдыг хөгжүүлж, тэдэнд зөвлөгөө өгч, тэднийг амжилтанд хүрэхэд нь туслахыг хүсч байна” гэжээ.

Тэрээр цаашдаа Counter-Strike-ийн академи байгуулах, онлайн сургалт явуулах, мөн esports-ийн менежмент болон зөвлөх үйлчилгээ үзүүлэхээр төлөвлөж байгаагаа дурдсан байна. Фалленгийн хувьд esports бол зөвхөн тоглоом биш, харин амьдралын боломж гэдгийг онцолж байлаа.

Фаллен бол Counter-Strike-ийн ертөнцөд өөрийн гэсэн өнгө төрх, амжилтаараа үнэлэгдсэн, олон залууст үлгэр жишээ болсон хүн юм. Түүний зодог тайлсны дараах шинэ замналд амжилт хүсье!