Японы тоглоом хөгжүүлэгч алдартай компани болох SNK өөрийн бүтээл Fatal Fury: City of the Wolves тоглоомын эргэн тойронд үүсээд байсан нөхцөл байдлын талаар байр сууриа илэрхийллээ.
2025 оны дөрөвдүгээр сард албан ёсоор нээлтээ хийсэн уг тоглоом нь эхэн үедээ контентын нийлүүлэлт удаашралтай байснаас шалтгаалан тоглогчдын сонирхлыг алдаж, идэвх нь буурсан байв. SNK компани энэхүү асуудлыг хүлээн зөвшөөрч, тоглогчид яагаад тоглоомыг орхих болсныг нарийн тодорхойлсон гэдгээ мэдэгдлээ.
Одоогийн байдлаар тус компани контент гаргах хурдаа өөрчилсөн бөгөөд энэхүү алхам нь үр дүнгээ өгч эхэлжээ. Тоглогчдын тоо эерэгээр нэмэгдэж, тоглоомын урсгал сэргэж байгааг SNK онцолсон байна. Өмнө нь тулгарч байсан контентын хомсдол болон удаашралтай үйл явц нь тоглоомын нэр хүндэд сөргөөр нөлөөлж байсан ч, одоогийн өөрчлөлтүүд тоглогчдыг эргүүлэн татаж чадаж байна.
