АНУ-ын Хүнс, эмийн захиргаа (FDA) Швейцарын эмийн үйлдвэрлэгч Novartis компанийн Zolgensma хэмээх ген эмчилгээний бэлдмэлтэй холбоотойгоор хавдар, тэр дундаа хортой хавдар үүсэх эрсдэлийг шалгаж байгаагаа Баасан гарагт мэдэгдлээ.
Энэхүү бэлдмэлийг нугас булчингийн хатингаршилтай (SMA), хоёр хүртэлх насны хүүхдүүдийг эмчлэхэд ашигладаг байна. Тус компани өмнө нь ген эмчилгээний бэлдмэлтэй холбоотой байж болзошгүй нотолгоо бүхий хүүхдүүдэд илэрсэн хавдрын хоёр тохиолдлыг ил тод мэдээлсэн байжээ.
Түүнчлэн Novartis компани уг бэлдмэлийг хэрэглэсэн өвчтөнүүд дунд хавдар үүссэн тухай нийт есөн тайлан, мэдээлэл хүлээн авснаа мөн дурдсан байна. АНУ-ын зохицуулах байгууллага уг асуудлыг үргэлжлүүлэн нягталж байна.
